Yaad Bikhri Hai Ke Saamaan Tumhara Mujh Mein

Advertisements

Yaad Bikhri Hai Ke Saamaan Tumhara Mujh Mein
Lag Raha Hai Ke Tum Aao Ge Dobaara Mujh Mein

Thay Bhatkay Howay Kuch Loog Mere Ander Bhi
Tu Ne Kiun Koi Paighamber Na Utaara Mujh Mein?

Khud Se Niklay Howay Ek Umer Howi Hai Mujh Ko
Aur Koi Dhoondta Phirta Hai Sahaara Mujh Mein

Mein Naye Paon Banata Hun Tou Kat Jaatay Hain
Jab Bhi Hota Hai Musafat Ka Ishaarah Mujh Mein

Ek Jhatkay Se Utha Neend Ke Pehluu Se Mein
Muddaton Baad Koi Khwaab Pukaara Mujh Mein

Khushk Jangal Ki Tarah Jism Pharrak Uthta Hai
Ashk Girta Hai Tou Girta Hai Shararah Mujh Mein

Kirchian Daurrti Phirti Hain Lahoo Mein “Shahid”
Toot Bikhra Hai Mohabbat Ka Sitarah Mujh Mein