Kis Qadar Pur Malal Hote Hain

Advertisements

Urdu Ghazal Poetry

Kis Qadar Pur Malal Hote Hain
Faslay La Zawal Hote Hain
Jo Zamane se nahi Larr sakte
Un kay Mushkil Wasal hote hain
Pyar kar kay Nibhane Wale
Apni Misal Ap Hote Hain
Jin ki Ankho mein Ratjage Jagain
Un k Sapne Kamal hote Hain
Ishq ki Chot Khane walon kay
Zakham Bharne Muhal Hote hain
Unki Nazar-e-Karam ki Hasrat mein
Roz Kitne Nidhal Hote hain
Furqtaon mein Wasal kay Qisay
Kitne Rangeen Khyal Hote Hain
Jane Walay! Hum Aaj tak Teri
Aarzu mein Nihal hote Hain




Post a Comment

0 Comments